So af en toe kom ek op iets af wat my net kielie… en vandag het ek so ietsie ontdek… ‘n lieflike naam vir een van die plante op my plaas.
Ken julle ‘n plant met die naam Droog-my-keel? Wat ‘n pragtige Afrikaanse naam!
Volgens Elsa Pooley in A Field Guide to Wild Flowers of Kwazulu-Natal and the Eastern Region is die bessies van hierdie plant eetbaar en word ook ‘Wildedruif’ genoem. Geen Engelse of ander inheemse taalname word gemeld nie.
Verseker gaan ek enetjie proe een van die dae, ek is seker jy sal saamstem dat hulle baie aanloklik lyk! Volgens Pooley is die wortels giftig, so ek sal dit maar liewer uitlos…
Proe seker frank, vandaar die naam!
Dis wat Roelf gese het. Hy het as kind geproe se hy.
Sjoe, jy het altyd sulke interessante inskrywings!!
Dankie Toorts! Ek sien allerhande mooi goed en wil weet wie wat en waar hulle is in die groot geheel…
(Maankind het jy gesien ek gebruik jou woord?) 😉
Terug pieng: Waag en Daag « Kouevuur
Daardie bessies lyk so mooi, en rooi, en eetbaar. Wanneer is die groot proedag?
Eers laatsomer. Die ranke kom nou uit en dit gaan eersdaags begin blom
Het voorheen van haar gepraat, maar praat maar weer. Het jy ooit van Gene Stratton Porter se boeke gelees. Nounet “The Harvester,” klaar gelees. Die stories is seker maar meer vir die jeug geskryf; ek verstom my aan haar liefde vir die natuur. Kan nie meer van haar boeke lees sonder om aan jou te dink nie.
Ek sal bietjie gaan kyk by ons biblioteek.
As jy “The Harvester” kan kry, probeer hom. Dink Song of Songs speel ‘n rol in die boek.