As jy my gaan vaskeer gaan ek spring…

Dis geen geheim dat ek die ander organismes op my plaas respekteer nie. Maar soms druk mens hulle ook maar te ver in jou poging om hulle met jou ander oog vas te vang.

Met Annerine se troue wou skoonsus Annemarie die horriepiep kry oor ‘n onskuldige Suidelike skuimnespadda wat die stort in die houtbadkamer met haar wou deel. Ons pogings om haar te oortuig dat hulle gewoonlik nie sommer op jou sal spring nie, het haar natuurlik glad nie oortuig nie…

Maar nou ja… gewoonlik is ook maar ‘n relatiewe begrip…

Toe ek uiteindelik onthou om hom te gaan afneem, het ek die ander gedeelte van gewoonlik ervaar.

Ek het die ou gekarring vir ‘n beter hoek met my derde oog, toe hy besluit al waarheen hy nou kan gaan is reguit in my gesig in… en kerplaks daar kleef die ding toe my hele gesig vol! Die lyf het my hele brilarea vol gesit met daai klewerige pootjies op my voorkop en op my neus.

Ek kon maar net lag vir myself, want gril die doen ek nie vir paddas en goggas nie! Ek is net spyt ek het nie die kamera omgedraai en dit op myself gerig nie.

En so het ons nie vir Annemarie gejok nie, hulle spring net wanneer jy aan hulle karring, dis verseker!

Gaan maak gerus ‘n draai by my ander blog waar ek al my maatjies met die wêreld deel.

 

Advertisements
Categories: Lekker lag | Sleutelwoordw: , | 4 Kommentaar

Artikelnavigasie

4 thoughts on “As jy my gaan vaskeer gaan ek spring…

  1. Kameel

    O my liewe siel…. ek sou teen die plafon rond gehardloop het 😯 Jy moet ‘n medalje vir bravade kry

    • Verkeerd.. mens kry net medaljes vri bravade wanneer jy BANG was vir iets en dit trotseer het. Ek het dit skreeusnaaks gevind

      • Kameel

        Hoe is jy dan nie bang of grillerig vir die gediertetjies nie? Ingebore? Ek sê gedurig vir myself “jy is groter as hulle,” maar dit help niks 😯

      • Seker maar ingebore. Die enigste ding wat my uitfreak is bloedsuiers.

Lewer kommentaar

Please log in using one of these methods to post your comment:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

Blog at WordPress.com.

%d bloggers like this: